Ofruesit e shërbimeve në tokë

Shërbimet në tokë përfshijnë të gjitha shërbimet e nevojshme të një avioni gjatë periudhës së qëndrimit në tokë. Disa kompani ajrore këto shërbime i marrin nga kompani të dyta që i ofrojnë këto shërbime, disa tjera preferojnë që edhe këto shërbime t’i kryejnë vetë. Shërbimet në tokë përfshijnë: shërbimet në platformë, shërbimet e udhëtarëve, shërbimi për kargo dhe postë, kontrolli i ngarkesës / balancimi i peshës (‘load control’), shërbimi i avionëve etj.

Me qëllim të përcaktimit të rregullave dhe procedurave që rregullojnë qasjen në tregun e shërbimeve në tokë në Republikën e Kosovës, në përputhje me Marrëveshjen Shumëpalëshe për Hapësirën e Përbashkët Evropiane të Aviacionit dhe kërkesat nga Direktiva e Këshillit të BE-së nr. 96/67/EC për qasje në tregun e shërbimeve në tokë, AAC-ja ka nxjerr Rregulloren nr. 4/2011 për qasje në tregun e shërbimeve në tokë. Sipas kësaj rregulloreje, çdo furnizues i shërbimeve në tokë duhet të aplikojë në AAC për aprovim.

Për më shumë, AAC-ja ka publikuar TP – 16 “Kriteret dhe procedurat për lëshimin e aprovimit të shërbimeve në tokë”. Kriteret janë të natyrës së sigurisë dhe asaj financiare, prandaj Departamenti i Aerodromeve dhe Departamenti për Bashkëpunim dhe Rregullim Ekonomik të Aviacionit në kuadër të AAC-së janë përgjegjëse për vlerësimin e të gjitha kërkesave për miratim të shërbimeve tokësore në aerodromet e Republikës së Kosovës.

Rregulloret