Licencimi i personelit

Çdokush që dëshiron të bëhet pilot, qoftë për aeroplan, helikopter, mjet ajror mikro-të-lehtë, velor, planer apo balonë me ajër të nxehtë, duhet të kalojë një trajektore trajnimi të përcaktuar qartë. Kjo përfshin ligjërata teorike, si dhe trajnimin praktik në mjetit ajror në fjalë. Trajnimi përfundon me një provim.

AAC-ja është përgjegjëse për lëshimin, ripërtëritjen dhe revokimin e licencave për:

• Ekuipazh të fluturimit (licenca të pilotëve dhe provimeve teorike, ekuipazhit të kabinës, organizatave trajnuese, organizatave vlerësuese për aftësi të gjuhëve, organizatave të aprovuara për trajnime në simulator, etj.);
• Personel të mirëmbajtjes së mjeteve ajrore (licenca për Pjesën-66 dhe provimet teorike, organizata për Pjesën-147, etj.);
• Licenca të kontrollorëve të trafikut ajror dhe organizatave për trajnimin të kontrollorëve të trafikut ajror;
• Licenca të dispeçerëve të fluturimit dhe Oficerëve për operime ajrore; dhe
• Certifikata mjekësore.

Licencat lëshohen në bazë të programeve të kryera të trajnimit, të cilat mbahen për secilin lloj të personelit të aviacionit, pas një procesi të ekzaminimit të plotë. Pasi të jetë lëshuar, licenca duhet të ripërtërihet pas një periudhe të caktuar kohore të përcaktuar me legjislacionin përkatës. Detajet për rregullat për këtë lloj aktiviteti mund të gjenden veç e veç për secilin lloj të personelit të aviacionit duke klikuar mbi emrin e aktivitetit në rregulloren përkatëse.

Rregulloret