Aerodromet e aprovuara

Me qëllim të rregullimit të sigurisë së aerodromeve për shfrytëzim publik civil, Autoriteti i Aviacionit Civil i Republikës së Kosovës bën aprovimin e aerodromeve sipas Rregullores nr. 03/2012 mbi aerodromet e aprovuara, e ndryshuar dhe plotësuar me Rregulloren Nr. 10/2018, si dhe në përputhje me standardet e Aneksit 14 të Konventës së Çikagos. Sipas kësaj rregulloreje termi “aerodrom” përfshinë heliportet, fushat ajrore dhe fushat e planerimit.

Këto rregullore zbatohen për aerodromet në dispozicion për përdorim publiko-civil të cilët:

• Përjashtohen në përputhje me nenin 5 të Rregullores 17/2017 për kërkesat dhe procedurat administrative lidhur me aerodromet.
• Kanë pistë të shtruar më të shkurtë se 800 m dhe ku ofrohen operime që përdorin procedurat instrumentale të afrimit apo nisjes,
• Kanë pistë të dedikuar për operimin e avionëve që përdorin procedurat vizuale të afrimit ose procedurën instrumentale të afrimit në një pikë përtej së cilës afrimi mund të vazhdojë në kushte vizuale meteorologjike (pistë jo instrumentale),
• Kanë pistë të pa-shtruar,
• Shërbejnë ekskluzivisht helikopterët ku ofrohen operime që përdorin procedurat vizuale të afrimit ose nisjes.

Kushtet themelore që duhet të plotësohen për aprovimin e një aerodromi janë detajisht të përshkruara në Rregulloren 03/2012 mbi aerodromet e aprovuara.

Rregulloret

Publikimet Teknike

Formularët

Tarifat

Raportet

Kontaktet